Туган авылымның киләчәккә караган утлары.

Быелгы елның февраль аенда без сыйныф белән 2020 елга жирле инициативаларны яклау программасына ярашлы инша конкурсында катнаштык. Иншада без күп кеше йөри торган тыкрык, күпер яны һәм бәләкәй урамнарга да ут кирәклеген яздык. Хәзер инде безнең авылда бөтен урамга да ут куйдылар. Без уйлыйбыз ут куюда безнең сыйныфның өлеше дә бар. Кыш көне иртән мәктәпкә барганда тыкрыктан күп кеше йөри һәм ут булуы бик уңайлы. Авылымның урамнары яктырган кебек, киләчәге дә якты һәм ышанычлы булыр дип ышанам.

Сайфутдинова Наилә, Сатый урта мәктәбенең 8 сыйныф укучысы.